Қостанай облысы әкімдігі білім басқармасының «Алтынсарин ауданы білім бөлімінің Ыбырай Алтынсарин атындағы Обаған жалпы білім беретін мектебі» КММ
КГУ «Убаганская общеобразовательная школа имени Ибрая Алтынсарина отдела образования Алтынсаринского района» Управления образования акимата Костанайской области

Мемлекет басшысы Қасым-Жомарт Тоқаевтың бастамасымен білім саласында ауқымды реформалар жүзеге асырылуда, оның ішінде «Келешек мектептері» ұлттық жобасы аясында 217 заманауи мектепте 460 мың оқушы сапалы біліммен қамтылады. Бұл туралы ҚР Оқу-ағарту министрі Жұлдыз Сүлейменова «Адал білім – адал ұрпақ» республикалық форумында атап өтті.

«Таза Қазақстан» экологиялық акциясы аясында 7 «Ә» сынып оқушылары мектептің сынып ішіндегі бөлме гүлдеріне күтім жұмыстарын жүргізді. Оқушылар гүлдерге су құйып, түптерін қопсытып, шаң-тозаңнан тазартып, табиғатты аялау жөніндегі жауапкершілік пен экологиялық мәдениетті қалыптастыруға үлес қосты.
Бұл іс-шараның мақсаты – жасөспірімдерге табиғатқа жанашырлықпен қарауды үйрету, экологиялық сана мен еңбекқорлықты насихаттау. Оқушылар белсенділік танытып, өз ортасының тазалығына жанашырлықпен қарады.
#тазақазақстан🇰🇿
#адалазамат

Обаған жалпы білім беретін мектебінің оқушылары «Қыран елім – Қазақстаным» тақырыбында ұйымдастырылған жаппай Әнұран айту челленджіне белсене қатысты. 

Бұл шара оқушылардың елге деген сүйіспеншілігін арттырып, патриоттық рухты дәріптеуге бағытталды. Бүгінгі әсерлі сәт – оқушыларымыздың туған еліне деген сүйіспеншілігін жүрекпен сезінген мезет. Олар еліміздің Әнұранын және патриоттық әндерді зор рухпен орындап, ел бірлігі мен ұлттық мақтаныштың символына айналды. 💙    Осындай шаралар арқылы жас ұрпақтың бойында елжандылық, отансүйгіштік және жауапкершілік сезімі қалыптасады.

Республика күніне арналған салтанатты жиын
Ы. Алтынсарин атындағы Обаған жалпы білім беретін мектебінде 25 қазан – Республика күніне арналған салтанатты жиын өтті.

Іс-шараның мақсаты – оқушылардың елге, жерге деген сүйіспеншілігін арттыру, мемлекеттік рәміздер мен Тәуелсіздіктің қадір-қасиетін ұғындыру, жас ұрпақтың бойында отансүйгіштік сезімін қалыптастыру.

Шара барысында оқушыларға Республика күні туралы мазмұнды ақпараттар беріліп, тәуелсіздікке арналған патриоттық әндер шырқалды. Сондай-ақ оқушылар домбырамен күй тартып, өз өнерлерін ортаға салды. Мерекелік жиын жоғары деңгейде ұйымдастырылып, оқушыларға көтеріңкі көңіл күй сыйлады.

“Смарт бала” жобасы. Желідегі қауіпсіздік челленджі .
Бүгінде цифрлық қауіпсіздік-әрбір оқушының өмірінің маңызды бөлігі.

10-сынып оқушылары “желідегі қауіпсіздік” ережелерімен таныстырды.