Оқушыларды 1 сыныпқа қабылдау 2025 жылдың 01 сәуірінен бастап 31 тамызға дейін жүргізіледі.
Үлгілік қағидаларға 1-қосымшаның 8-тармағына сәйкес мемлекеттік қызмет көрсету үшін қажетті құжаттар тізбесіне:
- порталға:
1) ата-анасының немесе өзге де заңды өкілдерінің өтініші;
2) № 065/у «профилактикалық егу картасы» нысанындағы және № 052-2/у «бала денсаулығының паспорты» нысанындағы медициналық анықтамалар;
3) баланың 3х4 см сандық фотосуреті.
- көрсетілетін қызметті берушіге (қағаз жүзінде):
1) ата-анасының немесе өзге де заңды өкілдерінің өтініші;
2) жеке басын куәландыратын құжат (сәйкестендіру үшін түпнұсқасы талап етіледі, ол көрсетілетін қызметті алушыға қайтарылады) немесе цифрлық құжаттар сервисінен алынған электрондық құжат;
3) № 065/у «профилактикалық егу картасы» нысанындағы және № 052-2/у «бала денсаулығының паспорты» нысанындағы медициналық анықтамалар;
4) 2 дана мөлшерінде 3х4 см баланың фотосуреттері.
«Мемлекеттік көрсетілетін қызметтер туралы» Заңның (бұдан әрі - Заң) 5-бабы 2-тармағының 1), 3) тармақшаларына сәйкес көрсетілетін қызметті берушілер мемлекеттік қызметтер көрсету тәртібін айқындайтын заңға тәуелді нормативтік құқықтық актілерге сәйкес мемлекеттік қызметтер көрсетуге; көрсетілетін қызметті алушыларға мемлекеттік қызметтер көрсету тәртібі туралы толық және анық ақпаратты қолжетімді нысанда беруге міндетті.
